ഈസോപ്പ് കഥകളിൽ നിന്ന് ഐതിഹ്യമാലയിലേയ്ക്ക്
കഥക്കളം മാറ്റിച്ചവിട്ടി നടക്കുകയാണ് കഥയമ്മ
കഥക്കളം മാറ്റിച്ചവിട്ടി നടക്കുകയാണ് കഥയമ്മ
ഉറങ്ങാൻ നേരം ഒരു കഥാവായനയും കവിതാപാരായണവും (എന്നും കുന്നും പൂതപ്പാട്ട്..ഇടയ്ക്കു ട്രൈ ചെയ്ത മാമ്പഴം കേട്ട് നെലോളിച്ചു കുഞ്ഞൻ അമ്മേടെ ഉറക്കം കൂടിക്കളഞ്ഞു .), പിന്നൊരു മയങ്ങിക്കഥയും !
മയങ്ങിക്കഥയെന്നാൽ ഉണർവ്വിനും ഉറക്കത്തിനുമിടയിലെ പാതിക്കണ്ണിൽ കുഞ്ഞൻ മൂളികേൾക്കുന്ന കഥ !
എന്നിട്ട് ..എന്ന ചോദ്യം മൂളലാവുമ്പോ കഥയമ്മ കഥനിർത്തി ചിന്നഞ്ചിറു കിളിയേ കണ്ണമ്മാ പാടും .
എന്നിട്ട് ..എന്ന ചോദ്യം മൂളലാവുമ്പോ കഥയമ്മ കഥനിർത്തി ചിന്നഞ്ചിറു കിളിയേ കണ്ണമ്മാ പാടും .
അങ്ങനെയൊരു മയങ്ങിക്കഥയ്ക്കിടയിലാണ്
അട്ട വീണ ചോറും പാക്കനാരും കേട്ടിരുന്ന പാതിക്കണ്ണൻ കുഞ്ഞൻ മുഴുക്കണ്ണും ഡിങ്കോന്ന് വിടർത്തി ,ഉറക്കത്തെ കാറ്റിൽപ്പറത്തി ഠപ്പോന്നു ചോദിച്ചത് :
അട്ട വീണ ചോറും പാക്കനാരും കേട്ടിരുന്ന പാതിക്കണ്ണൻ കുഞ്ഞൻ മുഴുക്കണ്ണും ഡിങ്കോന്ന് വിടർത്തി ,ഉറക്കത്തെ കാറ്റിൽപ്പറത്തി ഠപ്പോന്നു ചോദിച്ചത് :
"അട്ട വീണ ചോറ് കൊടുത്താ ചിത്തറ ഗുത്തന് (ചിത്രഗുപ്തൻ) എങ്ങന്യാ ശിക്ഷിക്കാമ്പറ്റാ ?"
ന്നാപ്പിന്നെ അയ്യാള് ചൈനേലോട്ടു പോട്ടെ .
ചൈനേം ചിത്രഗുപ്തനും തമ്മിലെ ബന്ധം മനസിലാവാതെ അന്തം വിട്ട കഥയമ്മ :
അതെന്തിനാ? അയ്യാൾക്കെന്താ ചൈനേല് കാര്യം ?(പോലീസുകാർക്കെന്താ ഈ വീട്ടിൽ കാര്യം ലൈൻ )
കുഞ്ഞൻ : ഈയ്യമ്മ മണ്ടൂസാ .ന്നാപ്പിന്നെ മുഴോൻ ചൈനാക്കാർക്കും ശിക്ഷ കിട്ടണ്ടേ ?
കഥയമ്മ പ്ലിംഗ് !
...പിന്നെ ...ദത് ....ദിത് ......
"അതിന് അട്ട വീണ ചോറാണെന്ന കാര്യം പണിക്കാരോട് പറയാതെയല്ലേ കൊടുത്തേ ?
അവരത് അറിയാണ്ടല്ലേ കഴിച്ചേ ?
ആരേം നമ്മള് പറ്റിക്കാമ്പാടില്ലാ ."
"അതിന് അട്ട വീണ ചോറാണെന്ന കാര്യം പണിക്കാരോട് പറയാതെയല്ലേ കൊടുത്തേ ?
അവരത് അറിയാണ്ടല്ലേ കഴിച്ചേ ?
ആരേം നമ്മള് പറ്റിക്കാമ്പാടില്ലാ ."
ആശ്വാസക്കുഞ്ഞൻ : അപ്പം ,ഇതാമ്മാ ഈ കഥേലെ മോറല് ? ആരേം നമ്മള് പറ്റിക്കാമ്പാടില്ല .ല്ലേ ?
ഹോ , അങ്ങനെ പാക്കനാർ കഥയിലെ മോറൽ കണ്ടു പിടിച്ച ആശ്വാസത്തിൽ ചിന്നഞ്ചിറുകിളിയെ കേട്ട് കുഞ്ഞനുറങ്ങി .😉
No comments:
Post a Comment