കുഞ്ഞൂട്ടൻ കഥകൾ .....: സാവന്നക്കുഞ്ഞൻ

ഇത് കുഞ്ഞൂട്ടന്റെ ലോകം....

കുഞ്ഞിക്കണ്ണു തുറന്നപ്പോൾ മുതൽ കുഞ്ഞൻ കണ്ട കാഴ്ചകൾ ...

കുഞ്ഞിക്കാതുകൾ പിടിച്ചെടുത്ത കുഞ്ഞു വലിയ ഒച്ചപ്പാടുകൾ ....

ചുക ചുകെ ചുവന്ന കുഞ്ഞി മൂക്കു വിടർത്തി

കുഞ്ഞൂട്ടൻ നെഞ്ചോടു ചേർത്ത ഗന്ധങ്ങൾ.....

ഇളം കൈവിരൽ കൊണ്ട് അവൻ തൊട്ടെടുത്ത ഓർമ്മകൾ....

അമ്മ നെഞ്ചിൽ പറ്റിച്ചേർന്നു അവൻ നുണഞ്ഞ പാൽ മധുരം.....

അവന്റെ മണൽക്കുളിയും മണ്‍ വീടും ...

അവനൊടിച്ചെറിഞ്ഞ മാങ്കുലകൾ ....പൂങ്കുലകൾ ....

ഒരു തോരാ മഴക്കാലത്ത്‌

അവന്റെ കുഞ്ഞു പാദങ്ങൾ ചുവരിൽ തീർത്ത ജലഭൂപടം .......

എണ്ണ മെഴുക്കു പുരണ്ട കുഞ്ഞിക്കൈകൾ

കുളിമുറിക്കതകിൽ വരച്ച ചില എണ്ണച്ചായ ചിത്രങ്ങൾ .....

മുറ്റത്തെ കൊച്ചു കായലിൽ മുങ്ങിയകന്ന കടലാസു വഞ്ചികൾ ....

തവളച്ചാട്ടം ചാടിയോടിയ പകലുകൾ ...

ആനകളിച്ചു നടന്ന സന്ധ്യകൾ .....

മണൽത്തരികൾ ചിരിച്ച കുഞ്ഞരിപ്പല്ലുകൾ ....

അമ്മക്കണ്ണീരു തുടച്ച ഇളം ചുണ്ടുകൾ .....

ഒരു പറിച്ചു നടീലിനു തൊട്ടു മുൻപ് ...

ഇതു കഥയമ്മ കുഞ്ഞനു നൽകുന്ന സമ്മാനം .....

വേഷം കെട്ടലുകളുടെ ഭാരം അഴിച്ചു വച്ച് വായിക്കുക....

നിങ്ങളുടെ ഉള്ളിൽ അടച്ചിട്ടും അടയാത്ത

കുഞ്ഞു കൗതുകക്കണ്ണുകൾ തുറക്കുക....

ഒരുപക്ഷേ ....

കാലം നമുക്കു നഷ്ടമാക്കിയതെന്തെന്നു തിരിച്ചറിയാൻ കഴിഞ്ഞാലോ .....

ലോകത്തെ വീണ്ടും ഒന്ന് കൂടി

പുതിയതു പോലെ നോക്കിക്കാണാൻ ..ഒരവസരം ....

എനിക്കും എന്റെ പ്രിയപ്പെട്ടവർക്കും ......

Wednesday, 26 July 2017

മൃഗസ്നേഹിക്കുഞ്ഞൻ ...വീണ്ടും
( ഒരു വീണ്ടും ലിസ എഫ്ഫക്റ്റ്)

അച്ഛാ ഈ റെപ്‌റ്റൈൽസും മാമ്മൽസും തമ്മിലെന്താ വ്യത്യാസം ?

അച്ഛൻ : (അറിവിന്റെ പരിധിയിൽ നിന്നോണ്ട്)...മാമ്മൽസ് ന്നു വച്ചാ കുഞ്ഞുങ്ങളെ പ്രസവിച്ചു പാലുകൊടുത്തു വളർത്തുന്ന ജീവികൾ
റെപ്‌റ്റൈൽസ് മുട്ടയിടണ ജീവികൾ .

( ഈസി ഉത്തരം പറഞ്ഞു കുഞ്ഞനെ മനസിലാക്കിച്ച സന്തോഷത്തിൽ ഇരിക്കുന്ന അച്ഛൻ പശ്ചാത്തലം )

വീണ്ടും കുഞ്ഞൻ - അപ്പൊ 'അമ്മ മാമ്മലും മ്മള് റെപ്‌റ്റൈൽസുമാ ?? ഞാനും അച്ഛനും എപ്പളാ മുട്ടയിടണെ ??

അടുക്കളയിൽ ഒക്കെ കേട്ട് നിന്ന "കമന്റ് തൊഴിലാളി " 'അമ്മ -
"ന്നാപ്പിന്നെ വേഗാവട്ടെ ...ഫിഡ്ജില് മുട്ട തീർന്നു ."

വാൽക്കഷ്ണം - മൃഗകഥകൾ ആവശ്യമുണ്ട് ..നായകൻ പോളാർ ബെയറും നായിക ബാക്ട്രിയൻ ക്യാമെലും ...

കുഞ്ഞൂട്ടൻ കഥകൾ .....