ചില ഗുണപാഠങ്ങൾ

ഇന്നലെ കുഞ്ഞിപ്പള്ളിക്കൂടത്തീന്നു ""കള്ളാസു"" കിട്ടി !!!
കുഞ്ഞന്റെ ""പഠന നിലവാര റിപ്പോർട്ട്‌ ""
(ന്റത്തിപ്പാറ അമ്മച്ചീ ....ജഗതി.jpg )

ന്തായാലും വയ്യൂട്ട്‌ അമ്മ വന്നപ്പോ കുഞ്ഞനും അമ്മയും പതിവ് കഥ പറച്ചിൽ മാമാങ്കം ....
കുഞ്ഞിപ്പള്ളിക്കൂട വിശേഷങ്ങൾ പങ്കുവച്ചു ചിരിച്ചു
ബാക്കി കഥ ഉറങ്ങുമ്പഴെന്ന പതിവു പല്ലവിയിൽ
ഇന്നലത്തെ പങ്ക് ചീത്തവിളികൾ (സ്കൂൾ -ഓഫീസ് വക )
പരസ്പരം പറഞ്ഞ് ,
""പുല്ല് ,കളഞ്ഞിട്ട് നാളെത്തന്നെ നാട്ടീപ്പോവാമെന്ന
സുന്ദര ഭീകര ക്ലൈമാക്സ്‌ ഡയലോഗും കാച്ചി
കഥയമ്മയും നല്ലപാതിയും ഒരാഴ്ചത്തെയ്ക്കുള്ള
ഇഡലി മാവരച്ച് മൂന്നു മാസത്തെ റേഷൻ സ്റ്റോറേജിനു
കടയിൽ പോയി ....!!!

തിരിച്ചു വന്നു ഞം ഞം കഴിച്ചു കുഞ്ഞനൊട്ടിച്ച
സർക്കിളും സ്ക്വയറും കളറടിച്ച കിളിയെയുമൊക്കെ കണ്ടു
""സായൂജ്യം ""കൊണ്ട് അന്തിയുറക്കത്തിലേയ്ക്ക് .....
ഉറങ്ങാൻ നേരം മേത്തു കാലു കേറ്റി വച്ച് കുഞ്ഞൻ ...
"ഒരു കത പയഞ്ഞു തയോമ്മാ ..""
ന്നാ പ്പിന്നെ പള്ളിക്കൂട കള്ളാസിലെ ചോന്ന കുഞ്ഞൻ കോഴിക്കഥ പറഞ്ഞേക്കാമെന്നു
കഥാ ദാരിദ്ര്യ വിവശ വിഷണ്ണയമ്മ !!!!
കളഞ്ഞു കിട്ടിയ കോതമ്പുമണിയും
അധ്വാനവും സഹായിക്കാത്ത കൂട്ടുകാരുമൊക്കെ കഴിഞ്ഞു
കഥയൊടുക്കം ""ഒരിത് ""വേണമല്ലോ ....
(ഗുണപാഠം )
ആ ഒരിതിനു വേണ്ടി ചോദിച്ചു ...
""അപ്പോ എന്താ മോനെ കാര്യം ????""

ഉടനെ വന്നു കാര്യായ കാര്യം ....

""അദേ , മ്മക്ക് വല്ലോം കയഞ്ഞു കിട്ട്യാ
മ്മളത് വീട്ടീക്കൊണ്ട് വന്നു
മ്മള് കയിക്കണം ...
ആക്കും കൊടുക്കല്ല് ....""

(പുടികിട്ടാത്ത കൂട്ടുകാര് കഥയുടെ ഫോട്ടം നോക്ക്വാ ....
ഇതിനാ പറേണെ ..മൂക്കളേം ഒലിപ്പിച്ചു നിക്കറും വലിച്ചു കേറ്റി
നടന്നാപ്പോരാ അംഗൻ വാടീപ്പോണംന്ന് ...).

ന്തായാലും കുഞ്ഞപ്പൻ ഗമേല് പറഞ്ഞ ഗുണപാഠം കേട്ട്
അപ്പുറത്ത് കിടന്ന നല്ലപാതിയും ഇപ്പുറത്ത് കിടന്ന കഥയമ്മയും
ഞെട്ടി കട്ടപ്പൊറത്തു വീണു !!!

കുഞ്ഞൻ വക ഡയലോഗ് വീണ്ടും ...
""പൂച്ച പാവംമ്മാ
എലീം താറാവും പാവം ...
ചോന്ന കുഞ്ഞ്ങ്കോഴി കേക്കെന്തിനാ ഒറ്റയ്ക്ക് തിന്നേ ???
ഷേറെയ്തില്ല ....bad boy ""

കുഞ്ഞിക്കുറുമ്പിനെ സമാധാനിപ്പിക്കണോല്ലോ ...
അങ്ങനെ സിൽമ പോലെ കഥയ്ക്ക്‌ ഡബിൾ ക്ലൈമാക്സ്‌ ...

ചോന്ന കുഞ്ഞങ്കോഴി കേക്കുണ്ടാക്കി
പൂച്ചയ്ക്കും താറാവിനും എലിയ്ക്കും കൊടുത്തു ...
കുഞ്ഞൻ വക പഞ്ച് ഡയലോഗ് ....

""ഇനി കേക്കുണ്ടാക്കുമ്പോ ഹെൽപ്പെയ്യണം ...
നാനമ്മേ ഹെൽപ്പെയ്യണ പോലെ ....!!!!!)

ഗുണപാഠം : കഥയറിഞ്ഞാൽ പോരാ ...
പറയേണ്ട പോലെ പറയേണ്ട നേരത്ത്
പറയാനുമറിയണം ....!!