"കണ്ണേ ...നവമണിയേ ...."

കുഞ്ഞന് കുളിക്കാൻ വയ്യ ....
എണ്ണ തേയ്ക്കാൻ ഒട്ടും വയ്യ ...
ആയമ്മ എണ്ണക്കിണ്ണം കയ്യിലെടുക്കുമ്പോൾ മുതൽ തുടങ്ങും
നിലവിളി ....മുറവിളി.....













മൂക്കില് തൊടണ്ട ...
നെറ്റീല് തൊടണ്ട ...
മങ്ങിണീല് ഒട്ടും തൊടണ്ട ....!!!

അവസാനം കരച്ചില് കേട്ട് മടുത്ത്
കുഞ്ഞുവമ്മ പാട്ടമ്മയായി ....
"കണ്ണേ ...നവമണിയേ ...."

പാട്ട് കേട്ടു കുഞ്ഞൻ അന്തം വിട്ടു ചുറ്റും നോക്കിയ നേരം കൊണ്ട്
ആയമ്മ കുളിപ്പിച്ചു തോർത്തി ....

കുളി കഴിഞ്ഞാലോ ....
പരസ്യത്തിലെ സുന്ദരക്കുട്ടനിടുന്ന പൗഡറ് വേണ്ടേ വേണ്ട...

കുഞ്ഞപ്പന് മേല് ചൊറിയുന്നു ....
സമ്മാനം കിട്ടിയ പൌഡർ ടിന്നെല്ലാം
അമ്മൂമ്മ തട്ടിൻ പുറത്തു കയറ്റി വച്ചു ...
(കൊടുത്തു കാശാക്കാൻ പരിപാടിയുണ്ടോ ആവോ????)

സമ്മാനം കിട്ടിയ കുഞ്ഞുടുപ്പും കുഞ്ഞപ്പന് വേണ്ട ...
അമ്മ തുന്നിയ വെള്ളയുടുപ്പു മതി ....

ചൊറിയുന്നോണ്ടാണേ ...!!

ഇത്ര നല്ല ഉടുപ്പെല്ലാം എങ്ങനെയാ കളയണേന്നു പറഞ്ഞ്
അമ്മൂമ്മ ഒക്കെ ചൂട് വെള്ളത്തില് കഴുകിയുണക്കി ...

ശിവനേ ഇവനൊരു "ചൊറിയനാണോ"
എന്നോർത്തു കുഞ്ഞുവമ്മ ....!!!
അപ്പഴേയ്ക്കും എണ്ണ തേച്ചു കുളിച്ച സുഖത്തിൽ
ഒന്നുമറിയാതെ കുഞ്ഞൂഞ്ഞപ്പൻ കണ്ണടച്ചുറങ്ങി ......